ۋيليام شەكسپيردىڭ اتاقتى پەساسى نەگىزىندە جارىققا شىققان فيلمدەر وتە كوپ. ماحاببات جايلى كەزەكتى كوركەم ءفيلمنىڭ ەرەكشەلىگى نەدە دەيتىن بولساق, screenlife فورماتىمەن تۇسىرىلەتىندىگىندە. بۇل فورماتپەن سوڭعى كەزدە بەكمامبەتوۆ بىرنەشە فيلم ءتۇسىرىپ ۇلگەردى. بارلىق وقيعا باس كەيىپكەرلەردىڭ اينالاسىندا ءوربيدى, سمارتفون, كومپيۋتەر ەكراندارى دا پايدالانىلادى. سونداي-اق, مونتاجعا ەرەكشە كوڭىل بولىنەدى. ياعني, قويۋشى-سۋرەتشى, قويۋشى-وپەراتورلاردىڭ جۇمىسى جەڭىلدەتىلىپ, نەگىزگى سالماق مونتاجداۋشىعا تۇسەدى.
«رومەو مەن دجۋلەتتاعا» كەلەر بولساق, ءفيلمنىڭ ءتۇسىرۋ جۇمىستارى وتكەن ايدا لوس-انجەلەستە باستالعان. جوبانىڭ رەجيسسەرى كەري ۋيليامس. ال, باستى رولدەردە كامەرون ەندجەلس پەن فرانچەسكا نوەل ويناماق. بەكمامبەتوۆ پەن تسويدىڭ پروديۋسەرلىگىمەن جارىققا شىعاتىن اتالمىش فيلم Interface Films كومپانياسىنىڭ جوباسى.
